Ата-аналарға хат

Бала оқыту мен тәрбиелеу ісінде табысқа жету үшін мұғалімнің және оқушылардың, сонымен қатар ата-аналардың қатысуы және бірлесе жұмыс жасауы қажет. Біз Сіздердің балаларыңыздың қалай оқытылып жатқанын білгендеріңіз, балаларға қалай көмектесе алатындырыңыз және ата-аналар тарапынан көмектің қаншалықты мүмкін екенін білуіңіз маңызды деп санаймыз.

Бастауыш мектепте оқыту тілді зерделеу аясынан біршама артыққа таралады. Бұл жаста балалар ойлау, әлеуметтік және іс-қимыл дағдыларын қалыптастырады. Сондықтан да жаттығулар мен материалдарды баланың жан-жақты дамуына қажетті барлық осы аспектілерді ескере отырып, бірлескен жұмыс және кезекпен жұмыс істеу сияқты аспектілерге баули, сөздікпен жұмыс және өз бетінше жұмыс дағдыларын дамыта отырып, іріктеу қажет.

Мектептегі оқыту процесін қолдау және күшейту үшін Сіздерге үйде келесі әрекеттерді жасауға болады:

• Баламен сыныпта не естігендері, не көргендері және не істегендері туралы сөйлесіңіз.
• Баладан сыныпта кіммен бірге жұмыс істегендерін немесе ойнағандарын, кімге оның көмектескені туралы айтып беруді сұраңыз.
• Әндер мен ұйқастарды бірге тыңдаңыз және баладан сыныпта не істегендерін Сізге үйретуін сұраңыз.
• Баламен серуендеген кезде оның жақсы мінез-құлық таныту үлгілеріне (қоқысты тастамау, жақындарымен бөлісу, өз кезегін шыдамдылықпен күтіп, кезекпен әрекет жасау және т.б.) назар аударыңыз және оларды бірге талқылаңыз.
• Балаңыздың ұмтылысы мен қатысуын, сонымен қатар жақсы нәтижеге жеткені үшін мақтаңыз.
• Өзіңіздің ағылшынша аз сөйлейтініңізді немесе мүлде сөйлемейтініңізді уайымдамаңыз, Сіз өз ана тіліңізде қарым-қатынас жасай отырып, көп нәрсе жасай аласыз, әсіресе оқытудың бастапқы сатысында.

Ең бастысы Сіз келесілерді жасай аласыз:

• Баланың не үйренгенін біліңіз.
• Баланы мақтаңыз және азан-аулақ сыйлықпен көтермелеңіз.
• Балаға өзіңіздің оның не істегеніне, не оқығанына қызығушылығыңыз барын байқатыңыз.

Тілді оқу – ол уақыт пен шыдамдылықты қажет етеді. Уақыт өткен сайын Сіздің балаңыз ағылшын тілін жақсырақ біліп және оны сенімді қолданып қана қоймай, сонымен қатар оның жақсы оқушы және әлем азаматы болуына көмектесетін дағдыларды үйренеді, әрі тілді білу мен оқуға энтузиазмі мен қызығушылығын дамытады.

Бұл сайт Сіздерге осы процесте көмек көрсетіп, бағыт береді, өйткені біз бәріміз Сіздің балаңызға ең үздік білім беру үшін жұмыс жасаймыз.

Наоми

1 жаттығу 1: Смайлик

Қағаз парағына балаңыз зерделейтін сөздегі әріп санына сәйкес қысқа штрихтарды бір түздің бойына сызыңыз.

Балаңыздан сөзде/фразада бар әріпті бірінен соң бірін табуды сұраңыз.
Егер бала әріпті дұрыс тапса, сол әріпті өз орнына жазыңыз.

Егер ол әріпті дұрыс таппаса, сол әріпті жазыңыз да, оны қайтадан үстінен сызып тастаңыз, содан соң дөңгелек салыңыз, бұл дөңгелек адамның бет-бейнесін білдіреді.

Әр қате аталған әріп сайын беттің жетіспейтін бөліктерін (екі көз, мұрын, ауыз, екі құлақ, мойын, шаш) қосып отырыңыз.

Ойын сөз толық табылғанша немесе бет-бейне толығымен салынып болғанша жалғасады.

2 жаттығу: Әріптерді ретімен қойыңдар.

Балаңыз білетін сөзді таңдаңыз және сол сөзге кіретін әріптерді ретсіз тәртіпте қағазға жазыңыз және сөздегі әріп санына сәйкесетін штрихтар қойыңыз.
Балаңыздан әріптердің орнын тауып, олардан сөз құралатындай етіп, жазуды сұраңыз.

3 жаттығу. Мен – шпионмын.

Бөлме ішіндегі бала ағылшын тілінде атай алатын бір затты таңдаңыз.
Келесі сөздерді айтыңыз: Мен шпионмын, және ... (ағылшын әрпін атаңыз) әрпінен басталатын сөзді іздеп жүрмін деп айтыңыз.
Балаңыз сол әріпке басталатын сөзді атайды.

Егер ол сөзді дұрыс тапса, тағы бір зат таңдап, ойынды қайта бастаңыз.